«Абай әндері» онлайн-байқауына дауыс беру басталды

30.07.2020

Абай атындағы ҚМАОБТ 86-шы театр маусымының аяқталуына, Ұлы ақын және ойшыл Абай Құнанбайұлының 175 жылдық мерейтойына орай 13 шілде мен 9 тамыз аралығында кәсіби емес орындаушыларға арналған «Абай әндері» онлайн-байқауын жариялаған болатын.

 

Байқауға қатысу үшін Абай Құнанбайұлының өзіңіз сүйіп тыңдайтын шығармасын орындап, оны бейнеге жазып жіберу қажет. 30 шілде сағат 00.00-ден бастап онлайн дауыс беру жарияланды. Сүйікті орындаушыңыз үшін Сіз театрдың ресми Abay Theatre YouTube арнасында дауыс бере аласыз. «Абай әндері байқауы» ҚР Мәдениет және спорт министрлігінің қолдауымен өткізіледі.

 

Байқауға 6 жастан бастап 72 жас аралығындағы Қазақстанның түкпір-түкпірінен барлық орындаушылар қатысады. Қатысушылар Алматы, Талдықорған, Қарағанды, Қызылорда, Жаңаөзен, Қызылорда облысы, Павлодар, Түркістан облысы, Нұр-сұлтан, Өскемен, Семей, Тараз, Екібастұз, Ақтөбе, Арқалық және Монғолиядан өтінімдер жіберді.

– Ұлы Абайдың 175 жылдығына орай 2020 жылы ауқымды бағдарлама дайындадық, мерейтой аясында ТҮРКІСОЙ елдерінің қатысушыларымен халықаралық фестиваль өткізу жоспарланған болатын. Алайда, пандемияға байланысты барлық шараларды кейінге қалдыруға тура келді. Бірақ біз әлі де онлайн-байқау өткізіп, оған кәсіби емес орындаушыларды тартуды шештік, өйткені Абай – халық ақыны. Байқауға ТҮРКІСОЙ елдерінің өкілдері де қатыса алады, осылайша біз шығармашылық үшін шекараны кеңейтеміз, орындаушылар мен жанрларды шектемейміз, қатысушылар ойшылдың шығармаларын жеке де, ансамбльде де орындай алады. Сондай-ақ, байқау таланттарды анықтауға арналған. Әділ онлайн дауыс беру аяқталғаннан кейін барлық жеңімпаздар ұйымдастырушылар тарапынан грамота және дипломдармен марапатталады, – дейді ҚМАОБТ директоры Ая Қалиева.

Елде карантин жарияланған алғашқы күннен бастап Абай атындағы опера және балет театры өз көрермендерін және театр өнерінің жанкүйерлерін қуантып, қолдау көрсету мақсатында қолдан келгеннің бәрін жасап келеді және өз отандастарын осы қарапайым уақытта жауапкершілік пен сабырға шақырады. Театр «Өнер онлайн» режимінде мәдени іс-шараларды ұйымдастыру бойынша бастамаларды қолдайды.

Aiqyn