КҮЙ АТАСЫ - ҚҰРМАНҒАЗЫ
26/04 - 19:00
Ұзақтығы: 1 30мин
ҚҰРМАНҒАЗЫ САҒЫРБАЙҰЛЫНА АРНАЛАДЫ
"КҮЙ АТАСЫ – ҚҰРМАНҒАЗЫ" АТТЫ КОНЦЕРТІ
Кеш ұлт мәдениетінің асыл қазынасына теңдессіз үлес қосқан, ұлы күйші-композитор Құрманғазы Сағырбайұлына арналады.
Күй ұлтымыздың үні мен сөзі болған, халқымыз дүниеге әкелген көркем құндылықтардың шыңы. Ал, Құрманғазы ұлттық мәдениет пен музыканы әлемдік деңгейге шығарған өнер иесі. Халқымыз үшін күй мен Құрманғазы есімі бір-бірімен астасып кеткен ұғым. Ол ұлтымызға, елімізге ортақ, адамзат мәдениетінің тарихында өшпес із қалдырған тұлға.
Кеште Құрманғазының рухын асқақтатып,тыңдаушының жігерін оятып, серпілдіретін танымал күйлері орындалады. Ол күйлер – тағдырдың талқысына, өмірдің қаталдығына музыка арқылы берілген жауап, жан шырылының белгісі.
Ауқымды бағдарламада Ахмет және Ғазиза Жұбановтардың «Құрманғазы» операсынан ария мен дуэттер шырқалып, Базарбай Жұманиязовтың «Махамбет» операсынан ария, Нұрғиса Тілендиев, Дина Нұрпейісова, Евгений Брусиловскийдің шығармалары орындалады.
«КҮЙ АТАСЫ - ҚҰРМАНҒАЗЫ» концерттік кеші арқылы Құрманғазы шығармашылығын кеңінен насихаттап, ұрпақтан-ұрпаққа жеткізу; күй өнерінің дәстүрлері мен жетістіктерін жаңғырту және насихаттау; халықтың мәдени демалысы мен эстетикалық тәрбиесін, рухани және мәдени құндылықтармен дамыту көзделді.
билетті сатып алу
Қатысушылар мен орындаушылар:
Абай атындағы Қазақ ұлттық опера және балет театрының Симфониялық оркестрі және жетекші солистері.
Дирижері - Нұржан Байбосынов, ҚР еңбек сіңірген қайраткері
Н. Тілендиев атындағы мемлекеттік академиялық фольклорлы-этнографиялық «Отырар Сазы» оркестрі
Дирижері - Мүсілім Әмзе, ҚР еңбек сіңірген қайраткері
Режиссер - Диана Акимбаева
* Театр әртістердің құрамын өзгерту құқығын өзіне қалдырады