ИОЛАНТА

Король Прованс Рененің қорғаны Францияның оңтүстігінде орналасқан. Бұл жерде корольдің жас қызы Иоланта тұрады. Ол туылғаннан соқыр, бірақ бұдан бей хабар. Корольдің талап етуімен айналасындағылар қыздан жағымсыз құпияны жасырады. Бөгде адамдар өлімнен корқып қорғанға кіруге де батылы бармайды.

Иоланта өз құрбыларының арасында жайбарақат күндерін өткізуде. Король атақты мавритандық дәрігерді акеледі. Рененің мазасы кетіп, дәрігердің не айтатынын күтеді. Дәрігер қызды емдеуге болатынын, бірақ Иоланта өзінің дерті туралы білуі тиіс. Сонда ғана емнің шипасы болатынын айтады. Иоланта жан тәнімен көзінің көруін тілейтін болады. Бірақ король бұған көнгісі жоқ.

Баққа кездейсоқ екі рыцарь - Роберт пен Водемон келеді. Роберт кішкентай кезінде Иолантамен атастырылған болатын, ол қызды ешқашан көрмеген және оның зағип екенін білмейді. Водемон ғажайып бақтың террасасына көтеріліп, ұйықтап жатқан Иолантаны көреді. Оның кіршіксіз әдемі келбеті жас рыцарьды таңғалдырады. Оның таңданған даусы байқаусызда шығып кетіп, қызды оятып жібереді. Жас рыцарьдың мазасыздануы Иолантаның жүрегінен сезім оятады. Әдемі бейтаныс қызбен қоштасып, Водемон естелік ретінде қызыл раушан гүлін сыйлауды сұрайды. Иоланта қызыл түстін орнына ақ түсті раушанды жұлып береді. Рыцарь қыздың көзі соқыр екеніне көзі жетеді. Қызға жаны ашып, жігіт жарық дүниенің қандай керемет екенін айтады. Иоланта оның сөздерін құмарлана тыңдайды.

Король келеді. Сырттан келген бейтаныс Иолантаға жарық дүние сырын айтқанын біліп, король ызаланады. Бірақ дәрігер оның ашуын басады. Енді қыздың тез сауығып кетуі мүмкін, тек Иолантаның өзі көзінің көруін құмарлана тілеуі керек. Король екі жастың сүйіспеншілін аңғарса да, Водемонға Иолантаның көру қабілеті қалпына келмесе, өлім жазасына кесілесін деп өтірік қорқытады. Сүйіктісін аман алып қалу үшін Иоланта қандай да болса азапқа шыдайды. Ем сәтті өтеді. Әлемді алғаш көріп қуана таңырқаған Иоланта әкесін, құрбыларын және бұдан былай қорғанышы болатын Водемонды көреді.