Равенсвуд пен Астон рулары ертеден бері жауласуда.Генрих Астон Равенсвудтердің замогын басып алды.Замоктың иесі өлгенімен оның баласы Эдгар тірі.Генрих- мазасыз, оны қаражат мәселесі де қатты алаңдатады.Оның қарындасы Лючия мен атақты да бай лорд Артурдың үйленуі отбасының жағдайын жақсартар еді.Бірақ Лючия қарсы. Қыздың күтушісі Генрихқа қарындасына ашуланбауын, ол жақында қайтыс болған анасын ойлап қамығып жүргендігін айтады. Әскербасы Норман Генрихқа Лючияның Эдгарды жақсы көретіндігін айтады. Жігіт қызды жақсы көретіндігі сондай ,қауіп-қатерге қарамастан онымен кездесуге келеді. Лючияның қас дұшпанды ұнатуы- Астондар үшін масқара. Күзетшілер Генрихқа жақында ескі қорған жақта Эдгарды көргендіктерін айтады. Ол жас жігітті ұстауға бұйрық береді.
Генрих Астон қарындасын лордқа күйеуге шығуға үгіттейді.Қыз өзінің басқа жігітпен сөз байласқанын айтады.Генрих оған Эдгардың опасыздығын дәлелдейтін жалған хаттарды көрсетеді.Генрихтің бұйрығымен тойға дайындық басталады.
Лючия қатты қапалы.Оның сүйікті тәрбиешісі де Эдгардың опасыздығына сенімді,қыздың ағасының ұсынысына көнуін сұрайды.
Равенсвудта күйеу жігітті күтуде.Қонақтар лорд Артурды қуана қарсы алады.Генрих қарындасының қапалы болуы-жақында қайтыс болған анасын уайымдауынан деп сендіреді. Қайғыдан есінен тануға жақын Лючия неке шартына қол қояды. Кенет Эдгар кіріп келеді. Жауынгерлер оған қарсы тұрады,Эдгар алысуға дайын. Бірақ неке шартын көрген соң Эдгар Лючияға опасыздық жасадың деп, сақинасын қайтаруды талап етеді. Өзінің дұшпандарына енді оған өмір сүрудің мағынасы жоқ екендігін айтады.Бірақ бақытсыз жігіттің қанын төгуге ешкім құштар емес. Еш кедергісіз Эдгар шығып кетеді.
Ескі қорғанда Эдгар жалғыз өзі өткен күндерін ойлап қамығып отыр.Генрих келіп оны дуэльге шақырады. Таңертең ерте олар жекпе-жекке шығады.
Астондардың үйінде той.Көңілді кешті Раймонд Видебендтің Лючияның лорд Артурды өлтіргендігі жайлы сұмдық хабары бұзады. Есі ауысқан Лючия келеді.Ол көзіне елестеген Эдгардың бейнесінен өзін кешіруін сұрайды.
Генрих Раймондтан өзінің бишара қарындасына қамқор болуын сұрайды.Раймонд соншама қайғы-қасірет әкелген Норманды қарғайды.