КАРМЕН – СЮИТА

Кармен! Сұлулығы мен жігері жарасқан Кармен айналасындағылардың барлығын өз еркіне бағындыруға үйренген. Оның Хозеге деген құштарлығы зор.

Сыған қызының отты жанарының алдында Хозе дәрменсіз. Бірақ, Карменнің көңілі енді басқада. Ол-Торреро.

Хозе өзін басқаға айырбастағанға сенгісі келмейді. Бірақ Кармен Хозе екеуінің арасындағы сүйіспеншілік сезімнің сөнгендігіне сенімді.

Сұлу Карменнің тағдыры Торреро мен бұқаның тағдырындай әрқашанда қыл үстінде.

Азат ой мен еркін қимылға іңкәр Карменнің бүгіні - көлеңкелі, ертеңі - күңгірт.

Табиғатынан тағдырын тек еркіндікпен ұштастырған Карменге сезімді санаға жеңдіретін жандардың арасында өмір сүру мүмкін емес.

Бостандықсыз өмірдің Кармен үшін мәні де, мағынасы да жоқ.